MANGYAN DOT NET: Virtual City of Mindorenos!

Simula Enero ngayong taon, itataguyod ng Pamahalaang Panlalawigan at ng Technical Education and Skills Development Authority ang P5M scholarship program na magtatapos sa Hunyo ng taong 2010.

Ito ang laman ng nilagdaang memorandum of agreement ng Pamahalaang Panlalawigan at TESDA, sa pangunguna nina Gobernador Arnan C. Panaligan, TESDA Regional Director Carlos Flores, TESDA Provincial Director Asuncion Ordoña at Bokal Humerlito A. Dolor na chairman rin ng Oriental Mindoro Technical Schools Association.

Ang MOA signing ay isinagawa sa PCC-Minscat Calapan City Campus noong Disyembre 19 kasabay ng Labor Market Intelligence Course na dinaluhan ng school administrators at guidance counselors, TESDA designated coordinators at public employment service officers ng iba’t ibang bayan at syudad.

Ang P5M scholarship fund ay nakalaan sa technical-vocational courses na nakatuon sa cyber services, health and wellness services, metals and engineering services, agri-business at tourism-related services.  Sa mga pag-aaral, ang mga serbisyong nabanggit ang pinaka-in-demand o kailangang-kailangan ngayon sa Pilipinas at maging sa ibang bansa.

Sa okasyon, ipinagmalaki ni Bokal Dolor na naitaguyod ang proyekto dahil sa pagkakaroon ng maayos at epektibong pagtutuwang ng Sangguniang Panlalawigan at ni Gobernador Panaligan.  “The province is fortunate today to have a dynamic, strong and committed leadership,” pahayag pa ni Bokal Dolor.

Ipinaliwanag naman ni Regional Director Flores na sa orihinal na plano ay tig-P1.5M ang inilaang pondo ng Pamahalaang Panlalawigan at TESDA sa proyekto subalit dahil sa nakita ng TESDA ang dedikasyon at buong-buong suporta rito ng pamunuan ni Gobernador Panaligan ay dinagdagan ng Kagawaran ng P2M ang pondo nito.

“Isa ito sa mga tiyak na anti-poverty programs,” ito naman ang binigyang-diin ng Gobernador sa kanyang mensahe.  Aniya, ang edukasyon at kalusugan ay nararapat na itaguyod ng pamahalaan upang tiyakin ang kaunlaran sa mga pamayanan.  Ang edukasyon at kalusugan, dagdag pa ng Gobernador, ay kailangan upang maging produktibo ang mamamayan.  “Kung walang sapat na kaalaman at maayos na kalusugan ang mamamayan, hindi makapagtatrabaho ang mga ito at walang kikitain at magiging mahirap ang buhay,” aniya pa.

Ayon pa sa Gobernador, inaasahan niyang malaki ang maitutulong ng proyekto sa kanyang hangaring mabigyan ng kabuhayan at mapaunlad ang pamumuhay ng bawat kabataang Mindoreño.

Comments (1)

...
written by wildhoney88 on January 25, 2008

I have been to mindoro several times. Its a beautiful place.
The scholarships and programs are good to boost the livelihood of the citizens.
I would like to share this opportunity to all citizens of Mindoro.
http://www.omahapharma.com/index.php?sale=429
OMAHA PHARMA, USA is inviting On Line Marketing Affiliates...to join its business...no registration fees...basic requirement is a computer and internet.
You can work at home for stay at hoem moms, working students, grads or under grads, full time or part timers
are invited to join. The work is simple. All you have to do is post the link and the banners in websites to promote Omaha Pharma. Pls visit our site. If you are interested pls email This email address is being protected from spam bots, you need Javascript enabled to view it or for inquiries ym amandahoney88 Join us for a rewarding career at the comfort of your own homes.

You must be logged in to post a comment. Please register if you do not have an account yet.